என் பிறந்தநாள் ஆசைகள்

பிறருக்காக வாழவே -என்றும் 

என் உள்ளம் பக்குவபட வேண்டும் 

பணத்தின் மீது-எப்பொழுதும் 

பற்று இல்லாமல் இருக்கவேண்டும் 

இன்பத்தையும் துன்பத்தையும் -எந்தநாளும் 

சமமாக எண்ண வேண்டும்

மனது அளவிலும் -எவருக்கும் 

தீங்கு செய்யாமல் இருக்கவேண்டும்

ஆசையென்ற ஒன்று -எப்பொழுதும் 

பேராசையாகாமல் காக்க வேண்டும்

பிறர்மனதை புண்படுத்தாமல் - எந்தஒரு

காரியத்தையும் செய்ய வேண்டும்

விட்டுகொடுக்கும் எண்ணம் - என்றுமே 

மனதில் வளர வேண்டும்

துன்பத்திலும் பிறருக்காக - எந்தநேரத்திலும் 

உதவும் எண்ணம் வேண்டும்

கோபம் என்ற உணர்வு - எந்தசந்தர்பத்திலும் 

வெளிபடாமல் இருக்க வேண்டும்

மனதார மன்னிக்க  - என்றும் 

உள்ளம் நினைத்திட வேண்டும்

வெறுத்து ஒதுகுவோரையும் - எந்தநிலையிலும் 

நேசித்து இருக்க வேண்டும் 

இப்படி எல்லாவிதமான பக்குவம் - இறக்கும்வரை 

எனக்குள் நிலைத்திருக்க வேண்டும்